Það er algengt að fólk mikli taubleyjulífið fyrir sér en svo þegar maður byrjar og kemur þessu upp í rútínu þá verður þetta miklu minna mál en maður hefði haldið. Það þarf ekki að byrja strax með heilt safn af bleyjum ef maður er ekki viss, hægt er að byrja með eina, tvær eða þrjár bleyjur og nota í bland við einnota bleyjur og hægt að bæta svo við sig rólega í safnið. Við í kúr & komfort komum til með að halda taubleyjunánskeið þar sem við munum kynna allt það helsta sem tengist taubleyjulífinu.

Taubleyjuþvotturinn er kannski það sem foreldrar mikla hvað mest fyrir sér. Best er að koma sér upp rútínu sem hentar heimilinu en þær þurfa alls ekki að vera eins á öllum heimilum. Almennt gildir það að nota prewash og mainwash. Prewash, eða forþvottur, er þveginn á hverjum degi þar sem bleyjurnar eru þvegnar á stuttu köldu prógrami. Mainwash, eða aðalþvottur, er þveginn eftir því sem hentar hverjum best, það getur verið á hverjum degi, annan hvern dag eða þessvegna þriðja hvern dag. Nánari þvottaleiðbeiningar er hægt að finna hér

Alls ekki. Það er ótrúlegt hvað það eru margir sem halda að það sé verri lykt af taubleyjum en af einnota bleyjum. Staðreyndin er sú að það er minni lykt af taubleyjum vegna þess að það eru engin lyktarefni í þeim eins og í einnota bleyjum. Það kemur engin lykt þegar barnið pissar í bleyjuna en það kemur auðvitað venjuleg kúkalykt þegar barnið er búið að kúka en það er engin ilmefna lykt með eins og í einnota bleyjum. Af óhreinu bleyjunum er líka lítil sem engin lykt. Þegar börn eru farin að borða og kúkurinn orðinn formaður þá er honum hent í klósettið og sturtað niður. Nýburar hafa svokallaðan mjólkurkúk sem hefur ekki sömu lykt og hjá börnum sem eru farin að borða og er því heldur ekki mikil lykt

Það eru ýmsar leiðir til að geyma óhreinar bleyjur. Það getur verið í lokuðum blautpoka, fötu með loki eða hreinlega bara opnum bala. Það er ótrúlegt hve lítil lykt er af bleyjunum þótt þær séu óhreinar og þess vegna þarf þetta ekki að vera flóknara en opinn bali sem gæti nú þegar verið til á heimilinu. Frekari upplýsingar má finna í þvottaleiðbeiningunum hér

Það er í rauninni hægt að nota sömu bleyjur dag og nótt en það sem skiptir aðal máli er rakadrægnin. Á daginn er ekkert mál að skipta um bleyju á tveggja tíma fresti en á nóttunni myndu flestir kjósa að þurfa ekki að skipta um bleyju til að raska ekki svefni barnsins og þá er gott að vera með bleyju sem endist alla nóttina. Það eru til svokallaðar næturbleyjur sem eru fitted bleyjur, þá er öll bleyjan úr rakadrægu efni og maður þarf svo skel yfir til að gera hana vatnshelda, bæði hægt að nota skel úr PUL efni en líka oft notuð ullarskel. Þó eru líka til næturinnlegg til að setja í vasableyjur eða skeljar sem eru þá oft úr hemp þar sem hemp innlegg draga mikið í sig en þá er gott líka að vera með annað innlegg nær barninu sem dregur hraðar í sig. Meira um rakadrægni hér.

Það geta verið ýmsar ástæður fyrir því að bleyjur leki. Þær geta verið Rakadrægnin er ekki næg og gæti vantað booster Pissið kemur of hratt og innleggið nær ekki að draga nógu hratt í sig Bleyjan er of þröng eða of víð Bleyjan er of þykk (bulky) með of mörg innlegg þannig að nárateygjurnar ná ekki að sinna sínu nógu vel Meira um rakadrægni hér og meira um stærðar leiðbeiningar hér